Cyngerdd Llanddarog
Cafwyd cyngerdd gofiadwy iawn yn Llanddarog nos Wener, 26 Ebrill, 2013. Roedd llond lle yn neuadd y pentre, a chafwyd datganiadau gloyw gan Helen a’i nai, Dafydd Hywel Jones. John oedd wrth y piano. Diolch i bobl dda Llanddarog am wledd ar ôl y canu.
Llun: talent yn y teulu – John a’i gyfnither Helen, a Dafydd Hywel y nai.
Cyngerdd Gwyl Ddewi, Chwefror 27
Daeth llond neuadd i fwynhau cawl a chân yn Nhy Tawe nos Fercher, Chwefror 27. Roedd cawl a danteithion eraill i bawb, a chafwyd eitemau o sawl math gan y côr, a Helen unwaith eto’n serennu gyda thair cân.
Helen a’r Côr
Ymarfer nesa
Nos Fercher, am 7
Cyngerdd braf yng Nghlydach
Cafwyd cyngerdd braf iawn yn y Manor Park, Clydach, nos Fercher, Ionawr 30, i godi arian i Llais, y papur bro. Canodd y côr wyth o ganeuon amrywiol, gan gynnwys rhai gan Robat Arwyn, Joseph Parry, Islwyn Ffowc Elis a Karl Jenkins. Canodd Helen unawd o Er Hwylio’r Haul, Robat Arwyn. John oedd yn cyfeilio.
Gwledd y Nadolig
Daeth hanner cant i Dy Tawe i fwynhau gwledd o ddanteithion y Nadolig gyda’r côr, nos Fercher 12 Rhagfyr. Roedd gwin y gaeaf yn llifo, diolch i Clive, a gwledd ar y byrddau, diolch i aelodau’r côr, wedi’i threfnu gan Marian. Gyda Helen wrth y llyw a John yn cyfeilio, canodd y côr saith o garolau a chaneuon, a chydganodd pawb nifer o garolau eraill. Noson i’w chofio.
Cyngerdd Llundain
- Côr Ty Tawe yng Nghanolfan Cymry Llundain
Cafodd y côr daith lwyddiannus iawn i Lundain ddechrau mis Tachwedd 2012. Cynhaliwyd cyngerdd yng Nghanolfan Cymry Llundain, sy’n cael ei reoli gan gyn-aelod o’r côr, Rhian Jones. Roedd llond neuadd yno i wrando ar y côr yn canu deg o ganeuon, gydag eitemau hefyd gan yr arweinydd, Helen Gibbon.
- Y Côr yn canu
Ar ôl y gyngerdd cafwyd noson gymdeithasol yn y Ganolfan. Diolch i Rhian am y trefniadau.
Llwyddodd nifer o’r côr i weld dau Gymro’n perfformio yn theatrau’r West End: Owain Arthur a Rob Brydon.
Cyngerdd Haf
Cafwyd noson hwyliog yn Nhy Tawe, nos Fercher Gorffennaf 4, i ddod â gweithgareddau’r flwyddyn i ben. Roedd digon o fefus i bawb, a theisennau cartref o bob math. Y Sadwrn cynt cafwyd barbyciw blasus i aelodau’r côr yn Hafan.