CERDD MERERID HOPWOOD YN GAN DEITL I CD COR TY TAWE
‘Ym Mhenrhyn Gŵyr’, cerdd ddiweddar gan Mererid Hopwood, gyda cherddoriaeth wedi’i chyfansoddi’n arbennig gan Eric Jones i Gôr Tŷ Tawe a Helen Gibbon, yw cân deitl CD newydd Côr Tŷ Tawe.
Mae’r CD yn cynnwys caneuon amrywiol gan y côr, ac unawdau a deuawdau gan Helen Gibbon, yr arweinydd, a Sion Goronwy, y canwr bas o’r Bala.
Daeth y sesiynau recordio CD yng Nghapel y Babell, Caerfyrddin, i ben.
Recordiwyd deg o ganeuon, gyda Sion Goronwy a Helen Gibbon yn canu Benedictus, Rhisiart Arwel. Recordiodd Helen Sion hefyd ganeuon ar gyfer y CD.
Cynhaliwyd cyngerdd llwyddiannus yng Nghapel Awst, Caerfyrddin, nos Iau Hydref 8, 2009. Daeth cynulliad da ynghyd, a chanodd y côr lawer o’r caneuon a fydd ar y CD newydd. Yn eu plith roedd Ym Mhenrhyn Gwyr, geiriau Mererid Hopwood, cerddoriaeth Eric Jones, a gyfansoddwyd yn benodol i’r côr. Mwy…
Llongyfarchiadau i Helen ein harweinydd ar ddod yn 3edd yn y gystadleuaeth Lieder (39 yn cystadlu) a hefyd yn 3ydd yn y gystadleuaeth Mezzo-soprano yn Eisteddfod Genedlaethol Meirionydd a’r cylch eleni. Dyma’r tro cyntaf iddi gystadlu yn y gystadleuaeth hon. Cafodd ganmoliaeth uchel gan y beirniaid.
Cafodd y côr daith lwyddiannus iawn i Gdansk ar ôl y Pasg.
Cafwyd dwy gyngerdd, y naill yn y Brifysgol a’r llall mewn eglwys newydd yn un o’r maestrefi mawr. Roedd y cynulleidfaoedd o gant a hanner yn y ddau le wrth eu bodd gyda’r côr, ac ar eu traed yn dilyn cymeradwyaeth frwd. Mwy…
Roedd y côr yn fuddugol yn Eisteddfod yr Hendy a gynhaliwyd nos Sadwrn, Mai 9, 2009, gan dderbyn gwobr hael o £300 a’r cwpan a gyflwynwyd i’r Eisteddfod gan yr Eglwysi Rhyddion.
Helen yn yr eglwys
Noson oer o Ragfyr, sêr yn pefrio, y lleuad yn codi uwch ysgwydd y bryn, ac eglwys gynnes, lawn.
Helen Gibbon cyn Cyngerdd Caerfyrddin
Cafwyd cynulleidfa dda yn y gyngerdd yn y Tabernacl, Caerfyrddin, nos Sadwrn, Tachwedd 14, 2008, i godi arian i Ysbyty Glangwili. Mwy…
Ymunodd Cor Ty Tawe a Chor y Rhyd i ganu Requiem Faure yn Llangennech, nos Sadwrn, Tachwedd 8, 2008. Yr organydd oedd Alan Fewster, a Cherddorfa Siambr Cymru oedd y gerddorfa. Cafwyd eitemau pellach ganddyn nhw, gan gynnwys Symffoni rhif un gan William Boyce a Concerto Grosso Op.6 rhif 12 gan Handel. Mwy…
Helen Gibbon oedd arweinydd y Gymanfa Ganu a gynhaliwyd nos Sul, Medi 28, 2008, i ddathlu 150 mlwyddiant Capel Trinity, Llanelli. Cynhaliwyd y Gymanfa yng Nghapel Newydd, Llanelli. Canodd y côr ‘Hwn yw Ty Dduw’ yn ogystal â chanu 14 o emynau gyda’r gynulleidfa. Cymerwyd rhan hefyd gan Gôr Curiad. Recordiwyd y cyfan ar gyfer rhaglen Caniadaeth y Cysegr
