Author Archives: Heini

Taith wych i’r Eidal

Taith wych i’r Eidal

Mae Côr Ty Tawe wedi dychwelyd ar ôl taith gofiadwy i’r Eidal diwedd Hydref 2011.? Arhosodd y côr yn nhref Rovigo, lle roedd Carwyn James yn hyfforddwr rygbi.? Cafwyd teithiau i Fenis, Padova, Ferrara a Bologna.? Canodd y côr dair gwaith.? Yn yr offeren yn Rovigo, gyda 300 yn bresennol yn y Rodonda, canwyd pedair o ganeuon offeren o Er Hwylio’r Haul, gan Robat Arwyn.

?
Cynhaliwyd cyngherddau yn Rovigo, un gyda Chôr Meibion Monte Pasubio.? Yn y cyngherddau hyn canwyd amrywiaeth o ganeuon, gan gynnwys Tangnefeddwyr (Eric Jones), Yr Utgorn a G?n, Caneuon Gosbel a Bryn Calfaria.? Roedd Helen Gibbon, yr arweinydd, hefyd yn unwawdydd, a chafwyd eitemau ar yr obo gan Fiona Gannon.? John Evans oedd yn cyfeilio.
?
Cafwyd croeso gwresog gan Gôr Monte Pasubio, a hefyd gan gyngor Boara Pasini, a gwleddoedd yn dilyn y cyngherddau.
?

Er Hwylio’r Haul yng Nghlydach

Er hwylio’r Haul yn llwyddiant

Cafwyd noson wych iawn yng Nghapel y Nant, Clydach, nos Wener Hydref 14.? Am yr ail dro, cyflwynodd y côr y gadwyn o ganeuon ar Llywelyn, Er Hwylio’r Haul, gan Robat Arwyn. Cafwyd etiemau eraill gan y côr, gan gynnwys Yr Utgorn a G?n. Yr unawdwyr oedd Eirian Davies ac Eirlys Myfanwy Davies.
Cyfeiliwyd gan John Evans (piano) a Conway Morgan (synth) a Helen Gibbon oedd yn arwain.? Yr adroddwraig oedd Catrin Rowlands.

Er Hwylio’r Haul

Er hwylio’r Haul yn llwyddiant ysgubol

“Y profiad mwyaf gwefreiddiol ges i mewn cyngerdd ers tro byd,” meddai un o’r gynulleidfa yng Nghapel y Babell, Pensarn, Caerfyrddin nos Wener, Ebrill 8.

Roedd y gynulleidfa ar eu traed ar ddiwedd noson o ganu caboledig a chynhyrfus.? Yn yr hanner cyntaf, canodd y côr ‘Yno ar Hwyrddydd Ebrill’ ac ‘Ym Mhenrhyn Gwyr’, o waith Eric Jones ar eiriau Mererid Hopwood. Cafwyd eitemau hefyd gan y baritôn Eirian Davies a’r soprano Eirlys Myfanwy Davies, y ddau ymysg doniau ifanc gorau Cymru.? Y Parch Ddr. Desmond Davies oedd llywydd y noson, a rhoddodd anerchiad byr ar waith Uned y Galon, Ysbyty Glangwili. I’r uned hon yr aeth elw’r noson.

Er Hwylio’r Haul, gwaith a gomisiynwyd adeg Eisteddfod Eryri 2005, gymerodd y cyfan o’r ail hanner.? Robat Arwyn yw cyfansoddwr y gadwyn o 16 o ganeuon syn coff?u Llywelyn yr Ail, a cherdd farwnad Gruffudd ab yr Ynad Goch yn ganolog i’r darn.

Helen Gibbon arweiniodd y côr, gyda John Evans ar y piano, Christopher Davies ar yr allweddellau, Iestyn ar y drymiau a Stephan Alun yn llefarydd.

Cawl a Ch

Cawl a Ch?n

Dathlodd y côr?Gwyl Ddewi gyda noson Cawl a Ch?n.? Canodd y côr 9 o ganeuon a chafwydd datganiad gwych gan Helen, yn ôl ei harfer. Mwynhaodd y gynulleidfa niferus gawl, bara brith, caws a phice ar y m?n?. Cynhaliwyd y noson nos Sul, Chwefror 27 yn Nhy Tawe.

?

Hanes y Côr

Hanes y côr

Sefydlwyd Côr Tŷ Tawe yn 1990 yn gôr pedwar llais i siaradwyr Cymraeg a dysgwyr Abertawe a?r cylch. (T? Tawe yw canolfan Gymraeg Abertawe.)

Helen Gibbon, athrawes o Gapel Dewi, yw arweinydd y côr. Mae hi wedi ennill y wobr gyntaf ar ganu soprano bedair gwaith yn yr Eisteddfod Genedlaethol. Ei chefnder, John Evans, a fu?n athro chwythbrennau, yw cyfeilydd y côr.

Mae?r côr yn canu amrywiaeth o alawon gwerin, emynau a chaneuon modern a darnau clasurol.? Cychwynnodd y côr yn gôr i bobl ifanc, ac mae’n dal i roi lle amlwg i’r aelodau iau.? Mae’r côr wedi codi arian i sawl cronfa elusennol, gan gynnwys cronfa goffa Sera Leyshon a oedd yn aelod o?r côr, a chronfa Yogi, o?r Bala.

Mae’r côr yn croesawu aelodau newydd: cysylltwch os ydych chi’n gallu canu – mae’r manylion cyswllt yn yr adran ‘Cysylltu’ > ‘Ymuno’.

Mae’r côr hefyd yn croesawu ceisiadau ar gyfer cyngherddau: mae’r manylion yn yr adran ‘Cysylltu’ > ‘Trefnu cyngerdd?’

Bu?r côr yn cynnal cyngherddau ledled de Cymru, ac enillodd y gystadleuaeth i gorau bach yng Ng?yl Ban-Geltaidd Iwerddon bedair gwaith.

Teithiau tramor

Taith i Gdansk, Gwlad Pwyl, oedd uchafbwynt 2009 i Côr Tŷ Tawe. ?Aeth 22 o gantorion ar y daith, Ebrill 14-19, a chanu yn y Brifysgol yn Gdansk a hefyd yn un o eglwysi mawr y maestrefi. ?Roedd y gwesty ger sgw?r Solidarnosc. Cafwyd cyfle i weld canol y dref a ailadeiladwyd yn gain ar ôl dinistr y rhyfel. ?Mae rhagor am y daith hon i’w weld ar dudalen Hanes/Lluniau wefan.

Mae?r côr hefyd wedi teithio?n eang, gan gynnwys cyngherddau yn yr Almaen, Awstria, Gwlad P?yl, a Phr?g, lle y canodd mewn cyngherddau yn Eglwys St Nicolas, ar yr hen sgw?r, ac yn neuadd y dref, Nusle. Bu?r côr ar daith i Awstria a?r Almaen yn 2004 gyda chyngherddau yn eglwys gadeiriol Salzburg, Mondsee, Zell am See a Grafing ger Munich.

Yn 2005 teithiodd i Berlin a Wittenberg, ac yn 2007 bu?n canu yn eglwys gadeiriol Barcelona, eglwys abaty Montserrat ac eglwys St Pacia.

Elgar Morris

Elgar yn Gdansk

Trist yw gorfod cofnodi marwolaeth Elgar Morris, gwr Eleri a thad Elid ac Emyr, y tri ohonynt yn aelodau ffyddlon o’r côr. Roedd Elgar yn gefnogwr brwd, a mwynhaodd sawl taith dramor yng nghwmni’r côr. Fe’i cofir yn wr diymhongar, bonheddig, eang ei wybodaeth a’i ddiddordebau, ac fel hoff gyfaill aelodau’r côr.

Cyngerdd Bethel Sgeti

Cynhaliodd y côr gyngerdd lwyddiannus ym Methel Sgeti, nos Lun, Rhagfyr 1, i godi arian i Eisteddfod yr Urdd yn Abertawe.

Cafwyd eitemau gwych gan Gwenllian Llyr ar y Delyn, Eleri Gwilym a Helen Gibbon yn unawdwyr.? John oedd wrth y piano, a chanodd y côr ddetholiad o ganeuon Cymraeg diweddar a thraddodiadol.

CD Côr Ty Tawe

CD YN GWERTHU’N WYCH

Mae CD Côr Ty Tawe erbyn hyn wedi gwneud elw.??Cafodd y CD hwb pan ddaeth teledu Tinopolis i ffilmio’r noson lansio ym mwyty Truffles yn Heol Brynymor, Abertawe. Gwerthwyd copiau yn y gyngerdd yn Llundain cyn Nadolig 2012 ac yn Llanddarog ym mis Ebrill 2013.? Mae copiau ar gael yn awr am ?5. Cysylltwch ag aelod o’r côr.

?Ym Mhenrhyn G?yr?, cerdd ddiweddar gan Mererid Hopwood, gyda cherddoriaeth wedi?i chyfansoddi?n arbennig gan Eric Jones i Gôr Tŷ Tawe a Helen Gibbon, yw c?n deitl CD newydd Côr Tŷ Tawe. Continue reading →