Category Archives: Hanes

CYNGERDD LLANDEILOFERWALLT

 

Helen a’r côr

Daeth llond neuadd yn Llandeiloferwallt i glywed cyngerdd haf Côr Ty Tawe nos Lun, Mehefin 19, 2018.  Canodd y côr ddeg o ganeuon Cymraeg, gan gynnwys medli o ganeuon Ryan Davies, Ym Mhenrhyn Gwyr o waith Mererid Hopwood ac Eric Jones, Cân Walter Meic Stevens, Ffalabalam, a Tangnefeddwyr, eto gan Eric Jones.

Canodd Helen Hedd yn y Dyffryn, o waith Nan Lewis ac Eric Jones.  Cafwyd cyflwyniadau o ddarnau barddoniaeth gan Sali Wyn, Heini, Guto, Linda a Catrin. John Evans oedd yn cyfeilio.

Diolchwyd i’r côr gan Prys Morgan.

DATHLU’R NADOLIG

Sali Wyn yn anrhegu Helen

Cafodd aelodau’r côr amser da yn eu cinio Nadolig ym mwyty’r Tapestri, Abertawe.  Ar ôl gwledd cafwyd sesiwn o ganu, ac aelodau’r côr yn dangos meistrolaeth ar yr eitemau a ddysgwyd yn ystod y tymor.

GERAINT YN SERENNU

Geraint yn canu gyda’i fand, Ffenestri

Mae Geraint James, un o faswyr y côr, yn teithio Cymru, wrth i’w fand, Ffenestri, atgyfodi.  Canodd y band mewn cyngerdd yn Nhy Tawe 30 mlynedd yn ôl, a daeth y band i Dy Tawe ar ddiwedd wythnos y dathlu, Hydref 21.

MEDI A HYDREF 2017

CYNGERDD DATHLU TY TAWE

Cafodd y côr sylw mawr ar Raglen Heno pan gymerodd ran yn noson gyntaf dathlu Ty Tawe’n 30 oed. Nos Fercher, Hydref 11 oedd hyn. Mwynhaodd pawb naw o eitemau gan y côr a’r canu i bawb.  Dyma noson olaf Helen Gibbon cyn iddi deithio i Batagonia, lle y bydd yn arwain cymanfa ac yn beirniadu mewn eisteddfod yn y Wladfa.  Edrychwn ymlaen at ei chael yn ailafael, ond yn y cyfamser mae John Evans yn arwain ac yn cyfeilio’n ddeheuig.

CAPEL Y WERN

Nos Sul, Medi 24, cymerodd y côr ran mewn Cymanfa Ganu yng Nghapel y Wern, Ystalyfera, gyda Helen Gibbon yn arwain y Gymanfa a’r Côr.  Ymunodd y côr i ganu Benedictus, o waith Robat Arwyn, gyda Chôr Dathlu Cwm Tawe.

CYNGERDD HAF

Cynhaliodd y côr ei gyngerdd haf yn Nhy Tawe nos Fercher, Gorffennaf 5.  Canodd y côr amrywiaeth o ganeuon gan gynnwys Cadwyn Cariad, trefniant John Evans, Dashenka gan Islwyn Ffowc Elis, Nella Fantasia o waith Chiara Ferràu ac Ennio Morricone, Eryr Pengwern gan Derec Williams, Penri Roberts a Linda Gittins, Rhyfel gan Robert Vaughan ar eiriau Hedd Wyn, Carol Haf gan Rhys Elis o’r Waun a Trysor o Ddawn, casgliad o ganeuon Ryan Davies wedi’u trefnu gan Meirion Jones.

CLWB CINIO MENYWOD CAERFYRDDIN

Y côr yn ymarfer

Y côr yn ymarfer

Cafodd Helen Gibbon wahoddiad i fynd ?’i chyfeillion i ganu i Ginio Gwyl Dewi Menywod Caerfyrddin yng Ngwesty Llwyniorwg. Roedd yn anrhydedd i’r côr ei bod hi wedi cynnull parti o blith y côr i ganu yno, a chafwyd noson gofiadwy, gydag eitemau gan Helen a Heledd Evans, gyda John Evans yn cyfeilio. Canwyd detholiad o ganeuon poblogaidd y côr yn ddigopi.

Heledd a John

Heledd a John

Helen a Heledd

Helen a Heledd

CAWL A CHAN GWYL DEWI 2017

CAWL A CH?N DYDD GWYL DEWI

Dathlu Gwyl Dewi

Dathlu Gwyl Dewi

Roedd neuadd Ty Tawe’n llawn ar gyfer y noson Cawl a Ch?n flynyddol.? Roedd 6 sosbaned o gawl yn ffrwtian, a llwyth o bice a danteithion eraill i’w mwynhau.? Canodd y côr saith o eitemau, a Helen yn canu unawd a ch?n gyda’r parti merched. Cyfeiliodd John yn ddeheuig yn ôl ei arfer. Roedd cyfle i’r gynulleidfa ymuno mewn chwech o ganeuon.? Noson braf o ddathlu ein Cymreictod.

CANU PLYGAIN YN LLANDDAROG

Ffurfiodd naw o’r côr barti plygain i ganu yn y Gwasanaeth Plygain a gynhaliwyd yn Eglwys Sant Twrog, Llanddarog, brynhawn Sul, Ionawr 8. Roedd yn noson o ganu plygain braf gan ryw ddeg o bartion, a’r eglwys yn llawn a danteithion a gwin i’r cantorion a’r gynulleidfa. Mwynhaodd y parti wledd yn nhy Janet cyn ymarfer ar gyfer y gwasanaeth.

David, Bill a Helen

David, Bill a Helen

plygain2

Enid, Helen, Linda, Catrin a Janet

Helen yn cyfarwyddo

Helen yn cyfarwyddo

CAPEL Y BABELL 2016

Lluniau: Helen yn paratoi / John a Helen cyn y gwasanaeth / Y sopranos yn rhannu cyngor / Y dynion yn barod amdani / Y merched yng ngolau cannwyll / Helen yn diffodd cannwyll beryglus

img_4719img_4711img_4729

img_4722

Helen a John cyn y gwasanaethimg_4724

 

Côr Ty Tawe oedd y côr gwadd yng ngwasanaeth golau cannwyll Capel y Babell, Caerfyrddin, nos Sul, Rhagfyr 11.? Canodd y côr bedair o eitemau, gan gynnwys Trysor y Nadolig gan Gilmor Griffiths, wedi ei drefnu gan Meirion Wyn Jones.